Филиппин жанубидаги Басилан вилоятида маҳаллий ҳарбийлар ва «Абу Сайяф» гуруҳи жангарилари тўқнашуви натижасида 23 киши ҳалок бўлган. Бу ҳақда Рейтер агентлиги хабар тарқатган.

Филиппинлик ҳарбийларга 120 кишидан иборат қуролланган гуруҳ ҳужум қилган.

Филиппин армияси майори Филемон Таннинг маълум қилишича, бу ҳужумга жангарилар етакчиси Иснилон Хапилон бошчилик қилган. У ҳақдаги маълумот учун АҚШ Давлат департаменти томонидан 5 млн доллар миқдоридаги мукофот эълон қилинган.

"Мен тасдиқлашим мумкинки, 18 ҳарбий ҳалок бўлди ва 53 киши жароҳатланди. Шунингдек, тўқнашув вақтида 5 жангари ўлдирилган. Улардан бири марокашлик Хапилоннинг ўғли Убайда", дейди манба.

Унинг айтишича, жангарилардан 20 нафарга яқини жароҳатланган.

«Абу Сайяф» «Ал-Қоида»нинг Филиппиндаги бўлими ҳисобланади. Бу гуруҳ одам ўғирлаш, қотилликлар ва портлашлар уюштириш билан шуғулланади.