Франция махсус хизматлари ноябрдаги терактлар ҳақида 141 кун олдин хабардор бўлган

Жаҳон 10 Апрель 2016 431

Франция махсус хизматларига 2015 йилнинг 13 ноябрида содир этилган "Париж теракти" тайёрланаётгани ҳақида 141 кун олдин маълумот келиб тушган. Бу ҳақда Journal du Dimanche хабар ёзди.

Хабарда айтилишича, Николя исмли Франция фуқароларидан бири Сурия ҳудудидаги ҳарбий амалиётларда иштирок этган жангарилар томонидан ҳужумга тайёргарлик кўрилаётгани ҳақида маълумот берган.

31 ёшли бу шахс Ироқнинг Раққа ва Фаллужа шаҳарларида 1 йилдан ортиқ вақт бўлиб, кейин Туркияга қайтиб, Франция ҳукуматига таслим бўлган. У тергов вақтида Франция ва Бельгияда терактлар уюштириш режалаштирилгани ҳақида айтган, лекин у терактлар учун қайси вақт ва жойлар танлангани ҳақида маълумот бера олмаган.

У терактлардан кейин Сен-Денидаги амалиёт натижасида йўқ қилинган Абдулҳамид Абауднинг бу теракт ташкилотчиси бўлишини ҳам айтган.

У шунингдек, махсус хизматлар вакилларига Абауд терактни амалга ошириш учун Бельгиядаги раҳбариятдан тегишли кўрсатма олгани ва 25 кг миқдоридаги портловчи моддага эга бўлгани ҳақида билдирган.

Бундан олдинроқ, Брюсселда Франциядаги терактларга алоқадорликда гумон қилиниб, бир киши қўлга олингани ҳақида маълумот берилганди.

У террорчиларнинг шериги Муҳаммад Абриний бўлиб, у Брюссель аэропортида терактлар амалга оширилишидан олдин кузатув камералари орқали бошқа икки жангари билан ёнма-ён кетаётганида тасвирга олинган.

Муҳаммад Абриний 2015 йилнинг ноябридан буён қидирилаётган эди. У кузатув камералари ёзувларида Франция пойтахтидаги терактлардан икки кун аввал Салоҳ Абдислом билан бирга акс этган.

Парижга ҳужум уюштиришни ташкил этишда ёрдам берган Салоҳ Абдислом 2016 йилнинг мартида Брюссель шаҳрининг чекка қисмида қўлга олинган эди. У қўлга олингандан бир неча кун ўтиб, террорчилар Бельгия пойтахти аэропорти ва метросида портлашларни амалга оширган эди.

Эслатиб ўтамиз, 2015 йилнинг 13 ноябрь кунида Париж шаҳрининг 6 нуқтаси бўйлаб ИШИД аъзолари томонидан кенг кўламли ҳужумлар уюштирилди ва натижада 130 киши ҳалок бўлиб, 350дан ортиқ киши жароҳатланди.

Шу йилнинг 22 март, сешанба кунида Брюссель аэропорти ва метросида содир бўлган бир неча портлаш натижасида сўнгги маълумотларга кўра 34 киши ҳалок бўлди, яна 200 дан зиёд киши жароҳатланди.

Кун янгиликлари
Тадбиркорларни муваффақиятга элтувчи ноёб бизнес-форум ўтказилади
09:45 6325 Жамият
Study Tokyo – Японияда ўқиш ва ишлашни истаганлар учун ишончли ҳамкор
10:55 / 19.07.2017 16276 Lifestyle
Фермер ва тадбиркорлар диққатига! Travel Today билан АҚШнинг энг йирик агро кўргазмасида иштирок этинг
09:52 / 19.07.2017 13078 Жамият
Илҳом Алиев озарбойжонлик 133 нафар журналистга квартира совға қилди
23:23 26 Жаҳон
Google Халқаро космик станция бўйлаб виртуал саёҳат ташкил этди
Россияда 3-қаватдан тушиб кетган 2 яшар ўзбекистонлик комада
23:07 764 Жамият
Президентнинг Давлат маслаҳатчиси қашқадарёлик уюшмаган ёшлар муаммоси билан қизиқди
Жиззахда Сайёра Рашидова отасининг бюстини очиб берди
22:58 1437 Жамият
Россияда яшовчи ўзбекистонлик хотинини уриб ўлдирди
22:54 1959 Жамият
Путин: РФ миграция кодексини тузиш масаласини кўриб чиқиш мумкин
22:50 660 Жаҳон
Кўпроқ янгиликлар