Германия федератив республикаси ҳукумати мамлакат полицияси рўйхатларида қайд этилган 76 нафар ақидапарастни қамоққа олиш учун ордер берди. Улар исталган вақтда терактлар уюштириши мумкинлиги хавфи туфайли қўлга олинади. Бу ҳақда Welt am Sonntag хабар тарқатган.

Қайд этилишича, мамлакат ҳудудини кейинги вақтларда 800 нафар ақидапараст тарк этган ва уларнинг 60 фоизи радикал гуруҳлар аъзоси бўлган.

Шундан 130 нафари Сурия ва Ироқ шимолида турли террорчи гуруҳлар сафларидаги жангларда ҳалок бўлган.

Шунингдек, уларнинг аксар қисми 30 ёшгача бўлгани айтилган. Немис полицияси маълумотига кўра, чиқиб кетганларнинг учдан бир қисми мамлакатга терактлар уюштириш мақсадида қайтиб кирган.