Ҳиндистоннинг жануби-ғарбида жойлашган Керала штатида 77 киши ёнғинда ҳалок бўлди. Ёнғин Кўллам шаҳридаги бутхонада содир бўлган. Нохуш воқеа 10 апрель эрта тонгда, маҳаллий вақт билан соат 03:30ларда содир бўлди. Бутхона буткул вайрон бўлган.

Айни вақтда жабрланганларнинг аниқ сони номаълум. Дастлабки маълумотларга кўра, 200 дан кўпроқ одам жароҳат олган. Жиддий куйиш жароҳатлари олган одамлар яқин орадаги шифохоналарга олиб борилган.

Indian Express газетасининг маълум қилишича, ёнғинга диний тантаналар вақтида ишлатилган мушакларнинг портлаши сабаб бўлган. Айни вақтда Ҳиндистонда 14 апрелда бошланувчи қуёш Янги йилига бағишланган тантаналар ўтмоқда. 

Воқеа жойига Керала штатининг бош вазири ва ички ишлар вазири етиб келган.