Саудия Арабистони ва Миср ҳукумати ўзаро денгиз чегараларининг делимитацияси (ўзгартирилиши) бўйича келишувни имзолашди, деб хабар бермоқда ТАСС ахборот агентлиги.

Келишувга кўра, Миср томонидан бошқарилган, Қизил денгиздаги Тиран ва Санафир баҳсли ороллари Саудия Арабистони ихтиёрига ўтди.

"Ороллар Саудия Арабистони сув ҳудудларига расман киритилди", дейилмоқда Миср ўтиш ҳукумати баёенотида.

Миср вазирлар маҳкамасининг баёнотида айтилишича, бу қадам иккала томонга ҳам иқтисодий ҳудуддан фойда олишга имкон беради.

Таъкидланишича, имзоланган ҳужжат албатта мамлакат парламенти томонидан ратификация қилиниши керак.

Бу орада бир қатор экспертлар бу келишувнинг қонунийлигига шубҳа билдиришмоқда.

Аввалроқ Саудия Арабистони ва Миср Қизил денгиз орқали кўприк қуришлари маълум қилинганди.