Одесса вилояти маъмурияти раҳбари Михаил Саакашвили Украина президенти Пётр Порошенкога мамлакат бош вазири Арсений Яценюкнинг истеъфога кетиш ҳақидаги аризаси олиб келинганда Порошенко билан учрашгани ҳақида маълум қилди. Саакашвили бу ҳақда фейсбукда ёзди.

"Мен Украина президентига Яценюкнинг истеъфога кетиш ҳақидаги аризасини олиб келишганда у билан бирга эдим. Бизнинг курашимиз биринчи натижасини берди, бироқ ростини айтсам, охирги кунлардаги ўзаро келишувлар ва саҳна ортидаги тил бириктиришлар ортида менда хавотир учун етарлича асос бор", деб ёзди Саакашвили.

Аввалроқ Арсений Яценюк ўз зиммасидан бош вазир мажбуриятларини соқит қилаётгани маълум бўлди.

12 апрелда бу қарор Олий радага кўриб чиқиш учун киритилади.