БМТнинг қочқинлар иши бўйича олий комиссириати бошқармаси маълумотига кўра, Греция ва Македония чегарасида юзага келган муҳожирларнинг улкан оламони катта ташвиш келтириб чиқаради. Македония полицияси ҳатто уларга қарши кўздан ёш келтирувчи газлардан фойдаланган.

Ушбу бошқарманинг вакили бўлмиш Эдриан Эвардснинг таъкидлашича, Идомени яқинидаги чегарада юзага келган вазият, яъни зўравонлик ва кўздан ёш чиқарувчи газлардан фойдаланилиши бошқармани ташвишга солмоқда. Унинг айтишича, бу ҳолат муҳожирлар ва қочқинлар масаласига масъулларнинг эътиборини ўзига қаратиши керак.

Эдвардснинг эслатишича, сўнгги ойларда бир томондан Европа давлатларининг чегарада турган куч ишлатар тузилмалари ходимлари, иккинчи томондан эса ўша давлатларга ўтмоқчи бўлган муҳожирлар ва қочқинлар ўртасида тез-тез тўқнашувлар, зиддиятлар юзага келмоқда.