eBay интернет-аукционида 90-йилларда чиқарилган, жуда кам юрган иккита Mercedes-Benz S-Class автомобиллари пайдо бўлди. Ҳар иккала машинанинг нархи қўшиб ҳисоблаганда 300 минг АҚШ доллари этиб белгиланган. Уларнинг эгаси автомобилларга “янги” дея таъриф берган.

1992 йилда чиқарилган биринчи қора 600SEL 2412 км. йўл юрган. У 409 от кучига эга олти литрли V12 двигателига эга.

1994 йилда чиқарилган оқ 400SE эса 443 км. масофани босиб ўтган. У 322 от кучили 4,2 литрли “саккизталик” двигатель билан жиҳозланган.

Автомобилларнинг суратига эътибор бериладиган бўлса, машиналардаги ўзига хос оригинал жиҳозлар борича сақланиб қолган. Седанлар 24 йил давомида нега ишлатилмагани номаълум.