«Манчестер Юнайтед» жамоаси бош мураббийи Луи ван Гаал АПЛнинг 33-турида «Тоттенҳэм»дан учралган 0:3 ҳисобидаги мағлубиятдан кейинги фикрларини билдириб ўтди.

«Биринчи голга қадар жамоалар тенг ўйин кўрсатишаётганди. Энг яхши вазият биз томонимиздан ҳосил қилинганди, Антони Марсиялда гол уриш учун зўр имконият бўлганди.

Биз рақибга биринчи голни совға қилдик ва футболчилар ҳали нима бўлганини англашига улгурмасидан юзага келган парокандаликдан фойдаланган рақиб 5 дақиқа ичида яна 2та гол урди.

Иккинчи гол – стандартдан, ҳамиша бундай вазиятларда устунлик қиладиган ва бош билан яхши ўйнайдиган футболчиларимиз ўз дуэлларини бой беришди. Алдервейрелд эса фантастик зарба берди. Бунақаси камдан-кам рўй беради.

Янгни ҳужумга қўйганим сабабини сўрайсизми? Мен ҳужум чизиғида кўпроқ ҳаракат бўлишини истагандим.

Ҳар жамоа ютқазишга ҳақли, аммо биз ҳали чемпионлик пойгасидамиз. Албатта, мағлубиятдан кейин фарқни қисқартириш зарурати юзага келади ва вазифа қийинлашиб боради.

«Тоттенҳэм» – аъло даражадаги жамоа. Мен буни ўйиндан олдин ҳам айтгандим. Лекин ўйин 0:0 бўлиб турганида биз яхшироқ ўйнаётгандик. 0:3 – жуда хунук натижа, аммо биз гол ўтказиб юборишимиздан олдин улардан устунроқ эдик», – дейди ван Гаал.