Мьянмада 200 га яқин сиёсий маҳбус озод этилди

Жаҳон 11 Апрель 2016 512

Мьянма (собиқ Бирма)нинг янги ҳукумати охирги кунларда сиёсий сабабларга кўра тақиб қилинган 200 га яқин сиёсий маҳбусни озод этди. Бу ҳақда маҳаллий ОАВ хабар бермоқда.

The Global New Light of Myanmar ҳукумат газетасининг ёзишича, 161 нафар маҳбус 8 апрелда озод этилди. Уларнинг орасида сиёсий тадбирларда иштирок этган талабалар ва фаоллар, "виждон маҳбуслари" (ўз сиёсий, диний ёки бошқа қарашларини тинч йўл билан ифодалаганлар) бор. Озод қилинганлар орасида 36 нафар аёл ва 2 бола борлиги таъкидланмоқда.

"Синьхуа" агентлиги Мьянма ҳукуматидаги манбаларга иқтибос келтирган ҳолда 10 апрелда озод этилганлар сони 199 нафарни ташкил қилганини маълум қилган. Озодликка нафақат аввал судланганлар, балки судланишини кутаётган сиёсий фаоллар ҳам чиққан. Таъкидланишича, уларга қарши барча айбловлар бекор қилинган.

Мьянма демократик кучлар етакчиси ва давлат маслаҳатчиси Аун Сан Су Чжи 7 апрелда барча сиёсий маҳбуслар учун амнистияга эришишини айтди. Аёл сиёсатчининг ваъдасига кўра, амнистия жорий ҳафта ўртасида Тинжан – Мьянма Янги йилининг нишонланиши бошлангунгача амалга оширилиши мумкин.

1962 йилдан 2010 йилгача Мьянма ҳарбий ҳукумат томонидан бошқарилган. 6 йил аввал мамлакатда демократик ислоҳотлар бошланган. Мамлакатнинг собиқ президенти Тейн Сейн 2013 йил июлда барча сиёсий маҳбусларни афв этишга ваъда берган. Уларнинг аниқ сони номаълум. 2014 йил давомида 126 нафар сиёсий маҳбус озод этилгани маълум қилинган. 2014 йил октябрда Мьянмада 3 мингдан зиёдроқ маҳбус афв этилган, уларнинг орасида камида 13 нафари сиёсий маҳбус бўлган. Мьянмада охирги оммавий амнистия 2016 йил 22 январда эълон қилинган. Ўшанда 100 дан кўпроқ маҳбус озодликка чиққан. Маҳаллий ҳуқуқ ҳимоячилари улар орасида неча нафар сиёсий маҳбус борлиги борасида турлича фикр билдиришган – озод этилган сиёсий маҳбуслар сони 20 дан 34 нафаргача эканлиги айтилган.

Кун янгиликлари
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 64218 Жамият
Мирзиёев Тошкент вилоятидаги икки туман ҳокимини ва яна бир қанча амалдорларни ишдан олди 
21:40 / 21.07.2017 86725 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 92903 Жамият
Демократлар етакчиси Клинтоннинг мағлубияти сабабини айтди
17:20 824 Жаҳон
Бекобод ҳокими президентдан туман учун «Тез ёрдам» машиналари сўраб олди
Юридик хизмат минбари: Кимларга автомобилда хавфсизлик камари тақмасликка рухсат берилган?
16:40 5979 Жамият
Ҳиндистон қурбонлар рўй берган терактлар сони бўйича жаҳонда учинчи ўринга чиқиб олди
16:20 2390 Жаҳон
«Биз у қолишини истаймиз»
16:00 3863 Спорт
Жумбоқ-сурат: «Каптива» қандай қилиб бу ерга тўхтаган?
15:50 11941 Жамият
«Манчестер Сити» нафақат сотиб олади, сотади ҳам
15:40 3618 Спорт
Кўпроқ янгиликлар