60 ёшдан 65 ёшгача бўлган ҳаваскор спортчилар Амир Темур юбилейи шарафига 680 минг қадамли саёҳат уюштиришди.

Саёҳатчилар гуруҳи беш кишидан ташкил топди. Улар ўзларининг ғаройиб саёҳатларини Соҳибқирон таваллуд топган Хўжа Илғор қишлоғидан бошлаб, Тошкентда якунлашди.

“Баримиз тажрибали саёҳатчилармиз, аммо Ўзбекистон бўйлаб биринчи марта ана шундай саёҳат уюштиришимиз. Масалан, мен мамлакатимизнинг барча жабҳаларида бўлганман. Бу, деярли, 5500 километрли йўл дегани”, — деб хабар беради Sputnik марафонда иштирок этган қатнашчилардан бирининг сўзидан иқтибос келтирар экан.

Ҳаваскор-спортчилар 385 км. йўлни икки ҳафта мобайнида босиб ўтишди ва 9 апрелда, Тошкентда якунлашди.