Қозоғистон ва Эрон бизнес доиралари ўртасида ўзаро ҳамкорлик қилиш бўйича 50та келишув имзоланган ва бу келишувларнинг умумий қиймати 1 млрд долларни ташкил этган. Бу ҳақда Теҳронда бўлиб ўтган мажлис натижаларига кўра, "Байтерек" ҳолдинги бошқарувчиси хабар берган.

Теҳрондаги мажлисда икки томоннинг 200дан ортиқ компаниялари вакиллари иштирок этишган.

Бу мажлис Қозоғистон раҳбари Нурсултон Назарбоевнинг Эронга сафари доирасида ўтказилган.

Маълум қилинишича, бу мажлисда имзоланган 50 ҳужжатдан 9таси "Байтерек" ҳолдингига алоқадор бўлиб, қимати 304 млн долларни ташкил қилган.