Сурияда 4 нафар эронлик ҳарбий хизматчи ҳалок бўлган. Бу ҳақда Tasnim ахборот агентлигига асосланган ҳолда Рейтер агентлиги хабар тарқатган.

"Бундан бир ҳафта олдин Сурияга ҳарбий маслаҳатчилар сифатида Эрон ҳарбий кучлари бўлинмаси сафида келган 4 ҳарбий ҳалок бўлган. Улардан бири қўмондон Мосен Китасло экани маълум. Қолган қурбонларнинг шахси аниқланмаган", дейилади хабарда.

Бундан олдинроқ, Эрон Миллий хавфсизлик хизмати кенгаши котиби Сурия президенти Башар Асадни Пальмиранинг ИШИДдан озод қилингани билан табриклагани ҳақида хабар берилганди.

Шунингдек, Эрон Сурияда терроризмга қарши курашдаги иштирокини давом эттиришини маълум қилган.