Украина миллий банки 500 гривнали купюрани яна такомиллашган ҳимоя тизимида муомалага чиқармоқда.

Янги пул муомаласининг энг асосий хусусияти - уни босиб чиқаришда четдан келувчи қимматлашган пахтадан кўра маҳаллий арзон зиғирпоя толалари ишлатилади.

УМБ матбуот хизматидан маълум қилишларича, банкнотанинг ташқи кўриниши деярли ўзгармаган, фақат шоир ва рус диний фалсафасининг отаси Григорий Сковороданинг портрети олд тараф марказига сурилган, аммо энди ҳимоя белгиларини сохталаштириш қийин бўлади. Янги нусхада SPARK белгиси бўлиб, у муайян қисмида бир рангдан бошқасига ўтадиган тасвирдир.

Янги банкноталар 2006 йилда чиқарилган эски 500 гривналарнинг ўрнини босади. Бироқ бу дегани эски банкноталар ўтмайди дегани эмас. Бир вақтнинг ўзида эски ва янги 500 гривнали банкноталар муомалада бўлади.

Украина гривнани зиғирпоя толасидан босишни бошлади