АҚШ президенти Барак Обама жорий йилнинг майида Хиросимага ташриф буюриши мумкин, деб хабар бермоқда манбаларга иқтибос келтирган ҳолда The Washington Post нашри.

Ушбу қарор бўйича якуний тўхтамга келинмаган, бироқ Обаманинг ёрдамчилари президентнинг G7 саммитидаги иштирокидан кейин Хиросимага ташриф буюриш имкониятини кўриб чиқишмоқда. АҚШ маъмуриятининг юқори лавозимли вакилининг фикрича, Обама Хиросимада ядровий қуролни тарқатмаслик мавзусида нутқ сўзлаши мумкин.

Таъкидланишича, АҚШлик юқори даражадаги сиёсатчилар Иккинчи жаҳон урушининг якунловчи палласида икки япон шаҳарининг атом бомбардимонлари учун айбни ҳис қилиш, узр келтириш маъносида анча йиллар давомида Хиросимага ташриф буюришмаган.

Аввалроқ АҚШ Давлат котиби Жон Керри АҚШ Давлат департаментининг Хиросимага атом бомбардимонлари замонларидан бери ташриф буюрадиган илк раҳбари бўлиши маълум бўлганди.

Шунингдек, ўша машъум воқеаларда жабр кўрган шаҳарлардан бири Нагасаки мэри Обамани жабрдийда шаҳарларга ташриф буюришга таклиф қилгани маълум қилинди.