«Зенит» жамоаси ҳужумчиси Артём Дзюба петербургликлар жамоасининг «Давай-давай!» дея номланган хайрия акциясида иштирок этди.

У ўз ваъдасига кўра, акциядаги иштироки орқали йиғилган миллион рублдан ортиқроқ миқдордаги маблағни «Русфонд» ҳомийлигидаги ногирон бола Алеши Криницкогонинг даволаниши учун топширган.

Дзюба ўз дам олиш кунида 3 рақамли трамвай қатнайдиган Репин кўчасига чиққан. У бу ерда Алёша билан учрашган ва унга ўз футболкасини совға қилган. Кейин униформа кийиб, трамвайга чиққан ва кондуктор сифатида ишлаган. У 3 соат давомида трамвайда бўлган.

Бу вақт давомида ўнлаб мухлислар у билан суратларга тушишган ва ундан автографлар олишган.

«Кун ажойиб ўтди. Тажриба учун ишлаб кўрдим. Яхшиямки, менга Владимир (трамвай кондуктори - таҳририят) ҳамроҳлик қилди, унда юмор ҳисси яхши экан.

Аввалига трамвайда одам жуда кўп бўлди ва диққат билан ишлашга тўғри келди. Умуман ишни яхши бажардим деб ўйлайман.

Лекин назаримда йўловчилардан бири йўл ҳақини тўламасдан қочиб қолди, биз уни тўса олмадик ва у бекатлардан бирида тушиб кетди. Ҳечқиси йўқ, уни тутамиз!» – дейди Дзюба.

Халк ногирон бола учун хайрия маблағи йиғиш тадбирида қатнашиб, Невский проспектида қўшиқ куйлади