Россия ИИВнинг кинология хизмати бўйича марказида Москва бўлимига раҳбарлик қилувчи Елена Хайкованинг маълум қилишича, футбол бўйича 2018 йилги жаҳон чемпионати хавфсизлигини таъминлаш мақсадида итлар тайёргарлик ўтамоқда.

Унинг айтишича, бундай итлар стадион ҳудудларида ўрнатилиши мумкин бўлган портловчи қурилмаларни излашга тайёрланади.

"Ҳозирча биз ўз базамизда тайёргарлик кўрмоқдамиз. Турнир яқинлашганида ишлар ўйинлар ўтказиладиган стадионларда олиб борилади. Итлар хавфли портловчи қурилмаларни тезкорлик билан топишга ўргатилади.

Мундиал вақтида кинологлар Москвадаги «Спартак», «Локомотив», ЦСКА жамоалари стадионларида, шунингдек «Лужники» стадионида қоровуллик қилишади. Ўйинлар вақтида стадион атрофидаги полиция ҳалқаси билан бирга кинологлар ҳамроҳлигидаги итлар ҳам бўлади. Биз музлислар ва спортчилар хавфсизлигини таъминлаш бўйича ҳаракатларни бошлаганмиз.

Турнир бошланишидан якунланишигача, ўйинлар ўтказиладиган барча шаҳарлардаги стадионларда хавфсизлик шароитлари таъминланади", дея Хайкованинг сўзларини келтиради М24.