АҚШ Сурияда 13 апрелга белгиланган сайловларни ноқонуний деб ҳисобламоқда, деб хабар берди журналистларга АҚШ Давлат департаменти вакили Марк Тонер.

"Биз бу сайловларни қонуний деб ҳисобламаймиз. Улар Сурия халқининг истагини билдирмайди", деб айтди Тонер.

Тонернинг айтишича, бу сайловлар "жорий вазиятни ҳисобга олган ҳолда" барвақт ўтказилмоқда.

13 апрелда Дамашқ ва Суриянинг бошқа шаҳарларида маҳаллий парламент – Халқ кенгашига сайловлар бўлиб ўтиши белгиланган. Мухолифатнинг кўпчилик вакиллари бу сайловларни бойкот қилишга ваъда беришган, деб хабар бермоқда РИА “Новости” ахборот агентлиги.

2012 йилда фуқаролик уруши шароитида ўтказилган аввалги сайловларда ҳукмрон партия Баас мутлақ кўпчилик овоз олган эди.