АҚШ ҳуқуқни ҳимоя қилиш органлари америкалик рассом Энди Уорҳолнинг (1928-1987) еттита тасвирий санъат намунасини қидиришмоқда, уларда "Кэмпбелл" (Campbell) компанияси шўрваларининг консерва банкалари тасвири бўлган. Бу ҳақида ТАСС федерал қидирув бюроси (ФҚБ) маълумотига асосланиб хабар берди.

Гап ўнта картинадан иборат мавзувий циклнинг еттита иши ҳақида бормоқда, уларнинг қиймати 500 минг долларга баҳоланади. Санъат асарлари Спрингфилдаги (Миссисипи штати) музейдан ўғирлаб кетилган.

ФҚБ жиноят қай тарзда амалга оширилганига аниқлик киритмади. Дастлабки маълумотларга кўра, 1985 йилдан бери музейда сақланиб келинаётган картиналар 7 апрель куни ўғирлаб кетилган. Ҳукумат санъат асарларини топишга ёрдам берувчи маълумот эвазига 25 минг доллар ҳажмда мукофот пули таклиф қилмоқда. Картиналарнинг ҳажми - 94Х62 см.

Энди Уорҳол - поп-арт йўналишининг таниқли намоёндаси. 1962 йилда у ўзининг машҳур "Яшил рангли Кока-кола бутилкалари" ва "Кэмпбелл шўрвалари банкалари" картиналарини яратган. Шундан сўнг у юлдузлар билан сураткаш ва рассом сифатида фаол ҳамкорлик қила бошлади.