«Манчестер Юнайтед» жамоаси нархи 2015-16 йиллар мавсуми бошидан буён 2 млрд фунтдан 1,58 млрд фунтгача тушган. Бу ҳақда Sky Sports хабар ёзган.

2014 йилнинг ёзида жамоага ҳолландиялик мутахассис Луи ван Гаал бош мураббий сифатида келганидан буён жамоанинг бозор капитализацияси деярли 1 млрд фунтга камайган.

Нархнинг пасайишига жорий мавсумда «Манчестер Юнайтед» кўрсатаётган омадсиз иштирок сабаб бўлган. Жамоа ЕЧЛнинг гуруҳ босқичида қолиб кетди, УЕФАда ҳам иштирокни узоқ давом эттира олмади. АПЛда эса жамоа айни вақтда, 32 тур ўйинларидан кейин бешинчи ўринда жойлашган.

Лекин, жамоа бренди оммалашишда давом этган, раҳбарият тижорий жиҳатдан муваффақиятли шартномалар тузишга эришган. Хусусан, Chevrolet билан рекорд даражадаги суммага ҳомийлик шартномаси тузилган.

«Манчестер Юнайтед» акциялари қиймати 2016 йилда 20 фоизга арзонлашди

Ван Гаал келгач «Манчестер Юнайтед» қиймати 1 млрд долларга арзонлашди