2016 йилнинг 29 март куни тонгда Бург ал Араб (Александрия)дан Қоҳирага йўл олган Egypt Air авиакомпаниясининг А320 самолётини олиб қочган Сайфиддин Мустафо Кипрдан сиёсий бошпана сўради. Бу ҳақда Filelefteros газетаси ёзмоқда.

Нашр маълумотига кўра, унинг бошпана борасидаги сўрови 22 апрель куни кўриб чиқилади. Ўша куни уни Мисрга экстрадиция қилиниш ёки қилинмаслиги ҳам маълум бўлади.

Газетанинг ёзишича, расмий Қоҳира Сайфиддин Мустафога нисбатан олий жазо чораларини қўллашни режалаштирмаган.