Туркманистон нефть ва газ вазирлигининг хабар беришича, йил бошидан бери "Туркманнефть" давлат концерни корхоналари томонидан бир миллион 266,5 минг тонна нефть қазиб олинган. Шулардан 2015 йилнинг 1-чорагига қараганда 687 минг тонна кўпроқ нефть қайта ишлашга жўнатилган. Концерннинг ишлаб чиқарувчи корхоналари режадагидан деярли 18,9 минг метр кўп бурғиланди. Энг аввало, эксплуатацион қудуқларнинг бурғиланиш тезлиги сезиларли ўсди. Улар режадагидан кўра 12 минг метр кўпроқ бурғиланганган, қидирув қудуқлари эса - 6,9 минг метрга кўп.

Бурғилаш ишларида замонавий техника қўлланади. 2015 йилда Хитойнинг XJ-450 маркали 12та бурғилаш қурилмаси эҳтиёт қисмлари ва юқори босимга қарши кучли ускуна билан бирга келтирилди. Ҳозирги вақтда давлат концерни томонидан 30тача ҳудуд эксплуатация қилинмоқда, улар ўзида ишлаб чиқаришнинг турли босқичларидаги 600дан кўп нефть, нефть-газ ва газ конларини мужассам этган.

Сўнгги йилларда давлат концерни Каспий денгизи минтақасидаги "Шимолий Ғотурдупе" деган жойда кенг кўламли геологосинов ишларини бошлаб юборди.