Австралияда 12 ёшли бола Википедиядаги ўзгартириш туфайли икки кунга 30– бош вазир бўлди. Бу ҳақда The Sydney Morning Herald хабар берди.

Орли Фенелон онлайн-энциклопедияга австралиялик бош вазирлар рўйхатига ўзининг маълумотларини қўшиб қўйган. Сайтда Фенелон катта лавозимни эгаллаган энг ёш одам этиб кўрсатилган.

Энциклопедиядаги мақолада ёш бош вазир ўзининг сиёсий дастурини амалга оширишни охиригача тугатмагани ва сиёсий секторнинг чап қисмига аъзо эканлиги эканлиги ҳақида хабар берилган. Шунингдек, унинг ҳукуматдаги ҳамкасблари ҳам бош вазир каби Брисбендаги мактабда ўқиши ва сиёсий ҳаётда фаол иштирок этиши ҳақида ёзилган.

Рўйхатдаги бундай ўзгаришни Canberra Times мухбири кўриб қолган ва янги “бош вазир”ни тайинланиши билан табриклаган.
Википедияда янги бош вазир ҳақидаги ёзув икки кун бўлган ва уни ёзиш учун ишлатилган аккаунтлар ҳам ўчириб ташланган.