АҚШлик актёр ва режиссёр Бен Аффлек Бэтмен ҳақида янги фильм суратга олади. Картинада бош ролни актёрнинг ўзи ижро этади. The Hollywood Reporter’нинг хабар беришича, бу хабарни Warner Bros кинокомпанияси бош директори Кевин Цудзихара тасдиқлаган.

“Биз Бен Аффлек билан Бэтмен ҳақида суратга олинадиган фильм устида ишлаймиз”, — деди Цудзихара Лас-Вегасда ўтган CinemaCon кўргазмасида айтиб ўтган.

У фильмни кинопрокатларга қачон чиқишига ойдинлик киритмаган. Тахминларга кўра, картина ёки 2018 йилнинг 5 октябрида ёки 2019 йилнинг 1 ноябрида чиқади.