Немис дизайнери Феликс Крушчарднинг фикрича, велосипедлар шаҳар ичида ҳаракатланда қулай бўлиши, қолаверса, уларни офисда, уйда ёки жамоат транспортларида жойлаштирганда ихчам бўлиши лозим. Шу боис у ўзи лойиҳалаштирган

велосипедини омма эътиборига ҳавола этди.

Halbrad — ихчам кўринишга эга ғаройиб дизайнли велосипед бўлиб, турли ўлчамларга эга икки хил ғилдираги, йиғиладиган ўриндиқ ва унинг ортида жойлаштирилган руль механизмига эга. Унинг оғирлиги 9 кг. бўлиб, узунлиги 79 см.ни ташкил этади. Оёқ торомози, трансмиссияси классик моделларникига ўхшаш.

Ғароийб велосипед жуда ихчам бўлиб, уни исталган жойда жойлаштириш мумкин. Дизайнер айни дамда Halbrad’ни янада такомиллаштириш устида изланмоқда. Дарвоқе, ушбу велосипед Startnext савдо майдонида 1250 евро қийматида баҳоланган.