Жанубий Корея республикаси фуқаролари мамлакатнинг бир палатали парламенти-Миллий Мажлиснинг янги таркибини сайламоқда. Овоз бериш жараёни, икки Корея ўртасида 1950-1953 йиллардаги урушдан кейинги энг кескин вазиятда бўлиб ўтмоқда.

Жанубий Корея қонун чиқарувчи органида 300 депутатлик ўрни бўлиб, шулардан 253 тасига бир мандатли округлардан депутатлар сайланса, қолган 47тасини пропорциональ тизимда сайланган депутат эгаллайди.

Рёнхап агентлигининг маълумотларига кўра, ҳукмрон партия "Сэнуридан" Миллий мажлисда 150 дан 175тагача ўринни банд этиши мумкин.

Мухолифатдаги Демократик (Томинжудан)партияси эса, энг кўрсаткични қайд этган ҳолда 100 нафар депутатлик курсисини эгаллаши мумкин. Жанубий Корея халқ партияси, парламентнинг 32 тагача ўрнини банд этиши эҳтимол.

Экспертларнинг фикрича, парламент сайловлари натижалари, Жанубий Корея президент сайловлари арафасида сайловчиларнинг кайфиятини кўрсатади. Келаси йил охирида, мамлакатда президентлик сайловлари бўлиб ўтади.

Амалдаги президент Пак Кин Хенинг президентлик муддати 2018 йил бошида поёнига етади, ва қонунга кўра, у қайта сайлана олмайди.

Жанубий Корея матбуотининг ёзишича, 13 минг 837 та сайлов участкаларидаги хавфсизликни 84 минг 995 нафар полициячилар таъминлайди. Мамлакат бўйлаб жами 253та овозларни санаш пунктлари бўлиб, уларнинг ҳар бирида 60 нафар ҳуқуқ тартибот идораси ходими хавфсизликни таъминлайди.