"Ўргимчак одам" фильмининг янги қисмига ном топилди

Маданият 13 Апрель 2016 1894

Ўргимчак одам саргузаштлари ҳақида ҳикоя қилувчи янги фильмга ном топилди. Variety журнали томонидан хабар берилишича, фильм номи «Ўргимчак одам: Уйга қайтиш» бўлади.

Sony Pictures кинокомпаниясида маълум қилишларича, фильм намойиши келаси йил ёзда бўлиб ўтиши режалаштирилган.

Ушбу янгилик ҳақида Лас-Вегасдаги CinemaCon кўргазмасида эълон қилинди. Унда фильм бош қаҳрамони ролини ижро этган британиялик актёр Том Ҳолланд ҳам иштирок этган.

«Мен Том Ҳолланд ва мен янги ўргимчак-одамман», – деган актёр анжуман чоғида.

Ҳолланд «Илк қасоскор: Зиддият» фильмида ҳам шу образда намоён бўлганди.

Sony Pictures раҳбари Том Ротман ўргимчак-одам ҳақидаги янги қиссалар 3 қисмдан иборат бўлишига умид билдирди. Унинг илк лавҳасида, фильм қаҳрамони таҳсил олиш ва дунёни қутқариш орасида мувозанатни топишга ҳаракат қилади. Sony ушбу лойиҳа устида Marvel Studios билан ҳамкорлик қилмоқда.

Кўпроқ янгиликлар