Қирғизистон парламенти Сооронбай Жээнбековни мамлакат бош вазири лавозимига сайлади. Бу ҳақда РИА Новости агентлиги хабар тарқатган.

Унинг номзоди учун депутатларнинг кўпчилик қисми овоз берган.

Жээнбеков ҳукумат сиёсати ва таркибини жиддий равишда ўзгартириш ниятида эмаслигини билдирган.

Бироз олдинроқ, Жээнбековнинг номзоди бош вазирлик учун илгари сурилгач, унинг иккинчи укаси, парламент спикери Асилбек Жээнбеков ўз ихтиёрига кўра лавозимидан истеъфо берганди.

Бундан аввалги бош вазир Темир Сариев 11 апрель куни коррупция билан боғлиқ можаро фонида истеъфога чиқди.