«Бенфика» жамоаси футболчиси Талиска ЕЧЛнинг чорак финалида «Бавария»га қарши кечадиган жавоб учрашуви олдидан журналистларнинг саволларига жавоб қайтарди.

Европа майдонларида ютуқларга эришаётган жамоанинг аъзоси бўлиш сизда қандай туйғулар уйғотган?

– Аввал мен бундай даражадаги ўйинларни фақат телевизор орқали кўрардим. Энди мен шундай ўйинларда майдонга тушмоқдаман. Бу ажойиб ҳиссиёт.

– Витория мураббий сифатида «Бенфика»ни қандай қилиб олға бошлайди?

– У бизга нима тўғрилигию нима хатолигини кўрсатиб туради. Унинг тушунтиришларидан кейин биз ишни у айтганидек бажарамиз. Витория футболчиларга тўғри талаблар қўяди ва биз унинг талаблари жамоа ривожи учун эканини тўғри тушунамиз.

– «Бенфика» 1990 йилдан буён турнир яримфиналига чиқмаганди. Бу сафар имкониятлар қай даражада?

– Жамоамизда катта потенциал бор. Биз ҳар куни чин дилдан меҳнат қиламиз. Мақсадимиз ички чемпионатда ҳам, халқаро майдонларда ҳам муносиб иштирок этиш. Жамоа яхши ташкил этилган. Биз «Бавария»га қарши жавоб учрашуви ўта оғир кечишини биламиз. Аммо «Бенфика» турнирдаги иштирокни давом эттириш учун ҳаракат қилади», – дейди бразилиялик футболчи.