Швейцариянинг Nestle компанияси даволовчи маҳсулотлар тизимини ишлаб чиқмоқда. Бу ҳақида The Wall Street Journal хабар берди.

Унга бир қатор касалликларни даволаш учун зарур бўлган махсус кукун ва ичимликлар киради. Уларнинг таркибида помидор, қаҳва ва узум каби озиқ-овқат маҳсулотларидан олинган табиий компонентлар бўлади.

"Узоқ вақт давомида озиқланишга фан сифатида қаралмаган. Бироқ кўпгина касалликларга, масалан ёшга доир деменцияда озиқ-овқат катта ўрин тутган янгича ёндашувларга жиддий клиник эҳтиёж сезилмоқда", - деди Nestle Соғлиқни сақлаш директори Эд Бэтге.

Nestle учун бу катта салоҳиятга эга бозор, деб ҳисоблайди WSJ, чунки ўзининг анъанавий бозорида компания қийин дамларни бошдан ўтказмоқда.

Таҳлилчиларнинг прогнозларига кўра, 14 апрелда корхона 2016 йил бошида яна савдо-сотиқнинг паст кўрсаткичини эълон қилади.