«Бавария» жамоаси бош мураббийи Хосеп Гвардиола Европа чемпионлар лигасининг чорак финалида «Бенфика»га қарши кечадиган жавоб учрашуви олдидан матбуот анжуманида саволларга жавоб берди.

«Бизда таркиб масаласида муаммолар бор, бизнинг йўқотишларимиз рақибникидан кўра кўпроқ. Ўтган ойда «Бавария» муҳим ўйинларни марказий ҳимоядаги асосий футболчиларисиз ўтказди.

«Бенфик»га қарши биринчи ўйин учун футболчиларимдан миннатдорман, улар рақибни ўрганиш учун имконият яратишди. Биз энди бу жамоага қарши қандай ўйнаш кераклигини биламиз. «Бавария» бу ўйинда яхши ҳимояланиши керак. Тўп бизга тушганида эса вазиятлар яратишимиз керак. Агар биринчи бўлиб гол уриб олсак, бир оёғимиз билан яримфиналда бўламиз.

Мен ҳамиша футболда энг муҳими натижа эканини таъкидлаб келганман. Шунингдек, ишга ёндашиш ва руҳият ҳам муҳим. Лекин яхши, сифатли ўйинсиз Европа чемпионлар лигасида ҳеч нарсага эришиб бўлмайди», – дейди мураббий.

Эслатиб ўтамиз, жамоаларнинг Мюнхенда бўлиб ўтган биринчи учрашуви немислар жамоасининг 1:0 ҳисобидаги ғалабаси билан якунланганди. Лиссабондаги жавоб учрашуви бугун, Тошкент вақти билан соат 23:45да бошланади.