1 июль куни Осака префектураси Суйта шаҳрида Япониядаги энг баланд томоша чамбараги илк мижозларни қабул қилади. Бу ҳақда қурилма оператори Ferris Wheel Investment Co. компаниясига таянган ҳолда «Киодо» нашри хабар қилган.

Аттракцион баландлиги 123 метрни ташкил этиб, 18 дақиқада бир марта тўлиқ айланиб чиқади.

Чамбаракда шаффоф полли 72та кабина ўрнатилган. Улардан иккитаси VIP-меҳмонлар учун мўлжалланган.

Ҳозирча Токиодаги 117 метрлик аттракцион Япониядаги энг баланд томоша чамбараги ҳисобланади.