«Реал» жамоаси бош мураббийи Зинедин Зидан ўз жамоасининг ЕЧЛ чорак финали жавоб учрашувида «Вольфсбург» устидан 3:0 ҳисобида ғалаба қозониш орқали турнир яримфиналига чиқишига муносабатини билдириб ўтди.

«Футболда ўзингни аямаслигинг керак, аммо бундан ғалаба қозонган яхшироқ. Ҳозир ғалабадан завқ олиш ва футболчиларнинг ўйинидан қониқиш ҳосил қиладиган вақт. Осон бўлмади, айниқса биринчи учрашувдаги мағлубиятдан сўнг, аммо биз ғалаба қозона олдик. Барча ўйинчиларим , ҳатто бугун майдонга тушмаганлар билан ҳам фахрланаман.

Кечиккан алмаштиришлар дейсизми? Бундай ўйинда алмаштиришларни амалга ошириш мураккаблашади. Мен Бенземани Хесега алмаштирдим, Карим чарчаб қолган, Хесе эса ҳимоямизга ёрдам бериши керак эди. Кейин Варанни туширдим, у Касемирога марказни ушлашда ёрдам бериши режалаштирилди.

Криштиану - ўзгача футболчи. У зўр, бу янгилик эмас. Жамоа ажойиб ўйин кўрсатди, Роналду эса ҳал қилувчи ўйинчи бўлди. У 3та гол урди ва бу голлар жамоа учун жуда зарур эди», - дея Зиданнинг сўзларини келтиради AS.