Thai Airways самолётининг парвоз вақтида беш нафар борт вакили ва бир нафар йўловчи кучли турбулентлик туфайли жароҳатланди.

Авиакомпания бўлиб ўтган воқеа учун барча йўловчилардан узр сўраган ва учувчиларга самолётни эсон-омон қўндирганликлари учун миннатдорлик билдирган.

Аммо, Жакартадан Бангкокка парвоз вақтида 72 йўловчи ва 12 нафар борт вакили самолёт Сингапур ҳаво йўлларида кучли турбулентликдаги силкиниш туфайли қаттиқ ваҳимага тушган.

Бу вақт Boeing 777 самолёти худди “уруш гирдоби”га тушиб қолгандек бўлган ва унинг ичидаги барча йўловчиларнинг юклари сочилиб кетган. Ҳаттоки воқеа содир бўлганидан сўнг, бир йўловчининг жароҳати туфайли ўриндиқ унинг қони билан бўялган. Борт вакилларидан бири Kru P’Birth ижтимоий тармоғига воқеа суратларини жойлаштирган.

Жароҳат олган йўловчининг сўзларига кўра, хавфсизлик камарини тақмаганлиги туфайли самолёт қаттиқ силкиниши натижасида унинг боши шифтга урилган.

Авиакомпаниянинг ҳисоботига кўра, барча жароҳат олганлар шифохоналарда даволаниб, ўз уйларига етказилган.