Канадада янги қонун лойиҳасига кўра фақатгина канадаликлар ва мамлакатда доимий яшовчиларга эвтаназияни (бемор ёки унинг яқинлари розилиги билан беморни оғриқлардан халос этиш учун уни жонсизлантириш) қўллашга рухсат берилади. Бу ҳақда Канада ҳукуматидаги аноним ходимга иқтибос келтирган ҳолда Associated Press ахборот агентлиги хабар бермоқда.

Агентликнинг таъкидлашича, шу тариқа америкаликлар Канадага бу мақсадда кела олмайдилар. Манбанинг айтишича, қонуннинг янги варианти 14 апрелда расман тақдим қилиниши керак эди.

Манбанинг таъкидлашича, эвтаназия ўтказмоқчи бўлган одам Канада соғлиқни сақлаш тизимида бўлиши керак. Шунингдек, қонунда руҳий носоғлом кишилар ёки ўзининг эвтаназиясини олдиндан буюрмоқчи бўлганлар мурожаат қилганда эвтаназияни қўллаш тақиқланади.

2016 йил февралда Канада Олий суди оғир ва даволаб бўлмайдиган касалликлар ҳолатида шифокорларга эвтаназия ўтказишга рухсат берди. Шу тариқа 1993 йилдан бери амал қилган эвтаназияга тақиқлов бекор қилинган.

Швейцария, Швеция, Бельгия ва Нидерландия каби бор-йўғи бир нечта давлатлардагина эвтаназия ўтказишга рухсат берилган.