Папуа-Янги Гвинея орол давлати ғарбида кичик ўлчамдаги йўловчи самолёти фалокатга учради. Оқибатида самолёт учувчиси ва барча 11 нафар йўловчи ҳалок бўлган, деб хабар бермоқда ABC News телеканали.

Sunbird Aviation маҳаллий авиакомпанияси самолёти Киунга шаҳри аэропортига қўнишига бироз қолганда ботқоқликқа қулаган. Шифохонага етказилган 3 киши ўлик деб топилган.

ОАВ маълумотларига кўра, фалокатга самолёт двигатели ишламай қолгани сабаб бўлган бўлиши мумкин. Маълум қилинишича, самолёт учувчиси Австралия фуқароси бўлган.

Ёзувчи ва фаол Мартин Наморонг фейсбукда самолёт ҳавога кўтарилган Оксампин аҳоли пункти Стар тоғларида жойлашгани ва у ерга фақатгина ҳаво орқали бориш мумкинлигини ёзган. Шунинг туфайли у ерга Куинга орқали борилади.