"ВКонтакте" ижтимоий тармоғи ва Telegram мессенжери асосчиси Павел Дуров Forbes журнали талқини бўйича россиялик бойларнинг 200 талик рўйхатига киритилди.

Дуров 0,6 миллиард доллар билан рўйхатнинг 135-ўрнини банд этди.

У Петербургдаги университетда ўқиб юрган пайтларида талабалар учун форум ташкил этган эди. 2006 йилда эса унинг базасида "ВКонтакте" тармоғини шакллантирди. 2014 йилнинг бошида у ижтимоий тармоқдаги ўз улушини (11,99 фоизи) Алишер Усмоновнинг бизнес-ҳамкори Иван Тавринага 300 миллион долларга сотади.

2013 йилнинг август ойида Дуров Telegram мессенжерини ишга туширди. Ҳозирда унинг аудиторияси 100 миллион кишини ташкил этади.
2014 йилнинг баҳорида у Россиядан чиқиб кетади.