Россиянинг Су-24 русумли ҳарбий самолётларидан бири АҚШ қуролли кучларининг Европа қўмондонлигининг Болтиқ денгизида ҳаракатланаётган Donald Cook эсминецига 10 метр масофадан учиб ўтган. Бу ҳақда Пентагоннинг расмий вакили Мишель Болданзага асосланиб, Fox News хабар берди.

Унинг айтишича, россияликлар қирувчи самолёти 11 апрель куни кундузи хавфли ҳаракатлар амалга оширган ва бир марта 9,14 метр масофада учган. Манёврлардан бири хавфли деб топилган, чунки бу пайтда кема бортида вертолёт ёқилғи тўлдираётган бўлган.

12 апрель куни эса кечки соат 5:00 атрофида Россиянинг Ка-27 вертолёти худди шу эсминец атрофидан етти марта айланиб ўтган. Бу ҳам хатардан ҳоли бўлмаган парвоз деб топилган.

АҚШ дипломатик канал орқали Россияга бу ҳодиса юзасидан изоҳ сўраб юзланган.

Россия томони бу воқеаларга изоҳ бермади. Кейинроқ АҚШ ушбу видеони намойиш қилди.