Москва шаҳри терговчилари қурилиш компаниялардан бирининг ётоқхонасида 63 кишининг заҳарланганига оид суриштирув ишларини олиб бормоқда. Бу ҳақда Россия тергов қўмитаси Москва шаҳар тергов бошқармаси раҳбар ўринбосари Юлия Иванова маълум қилган.

Бундан аввал, қурилиш иншооти хавфсизлик хизмати бошлиғи Дмитрий Телицин тушлик пайтида ўнлаб кишиларнинг оммавий заҳарланиши рўй бергани, заҳарланганларнинг барчаси Ўзбекистон ва Тожикистон фуқаролари эканини хабар қилган эди.

Тергов бошқармасининг маълумотларига кўра, ётоқхонада 450дан ортиқ киши истиқомат қилади, таомлар эса тайёр ҳолда бошқа ташкилот томонидан етказиб берилади.