Самарқандлик жиноий тўда куёв ўғирлади

Жамият 15 Апрель 2016 671

Нодир неча йиллардан бери бир қизни яхши кўрарди. Аммо унга етишолмади. Севган қизи унаштирилгач, ҳаловати йўқолди. Қандай қилиб бўлмасин тўйни тўхтатишга “бел боғлади”. Бу ҳақда “Ҳуқуқ” нашри хабар бермоқда.

Эртага тўй деган куни у куёвни ўғирлаб кетишга қарор қилди. Бироқ ўз режасини бир ўзи амалга оширишга кўзи етмади. Ўйлаб кўриб акасининг ўғли Ҳабибулла ва холаваччаси Аббосга режасини айтди. Режа бўйича куёв боланинг уйи яқинидаги бурилишда Аббос ва Ҳабибулла Нодирни пойлаб турадиган бўлишди. Куёвтўра Бекмурод кўчага чиқди. Уни кутиб ўтирган Нодир тўй билан табриклаш баҳонасида куёвни машинасига ўтқазади ва уни кўча бурилишида пойлаб турган шериклари ёнида тўхтатди. Зудлик билан ўзларини ичкарига урган икковлон Бекмуроднинг икки ёнидан ўтириб, унинг қўлларини маҳкам ушлашди.

Бекмурод қанча қаршилик қилмасин, йигитларга кучи етмади. Нодир унга машинасидан пичоқни олиб дағ-даға қилди. Пичоқни кўриб, Бекмуроднинг ҳуши учди, қаршилик ҳам қилмади.

Куёв ҳадеб келавермагач, унинг ота-онаси тезда туман ИИБга бориб, воқеа юзасидан мурожаат қилишди. Тезкор ходимлар зудлик билан ишга киришди. Сўраб-суриштириш бошланди. Куёв ўғриларининг кимлиги, айни дамда қаерда эканлиги маълум бўлди.

Нодирнинг куёвни ўғирлаб тўйни тўхтатиш режаси амалга ошмади. Улар шаҳардан тўғри туман ИИБга келишга мажбур бўлди.

Суд ҳукми билан Нодир Абдуҳамидовга 3 йил-у 6 ойга озодликдан маҳрум этиш жазоси тайинланди. Ҳабибулла Абдуҳамидов ва Аббос Ибрагимов эса 3 йилга озодликдан маҳрум этилди.

Кун янгиликлари
Тадбиркорларни муваффақиятга элтувчи ноёб бизнес-форум ўтказилади
09:45 6353 Жамият
Study Tokyo – Японияда ўқиш ва ишлашни истаганлар учун ишончли ҳамкор
10:55 / 19.07.2017 16343 Lifestyle
Фермер ва тадбиркорлар диққатига! Travel Today билан АҚШнинг энг йирик агро кўргазмасида иштирок этинг
09:52 / 19.07.2017 13130 Жамият
«Халқ таълими тизимидаги энг яхши веб-сайтлар - 2017» ғолиблари маълум қилинди
Олимлар Альцгеймер касаллигига чалинган инсонлар миясида бактерия изларини топишди
Илҳом Алиев озарбойжонлик 133 нафар журналистга квартира совға қилди
23:23 169 Жаҳон
Google Халқаро космик станция бўйлаб виртуал саёҳат ташкил этди
Президентнинг Давлат маслаҳатчиси қашқадарёлик уюшмаган ёшлар муаммоси билан қизиқди
Жиззахда Сайёра Рашидова отасининг бюстини очиб берди
22:58 1878 Жамият
Россияда яшовчи ўзбекистонлик хотинини уриб ўлдирди
22:54 2363 Жамият
Кўпроқ янгиликлар