Сербия полицияси коррупцияда ва мансаб ваколатини суиистеъмол қилишда айблаб, 49 кишини ҳибсга олди, деб хабар бермоқда Reuters.

Қўлга олинганлар орасида амалдорлар ва ҳукумат ташкилотлари вакиллари, жумладан, молия вазирлиги, солиқ ташкилоти, почта хизмати ва полиция ходимлари бор. Бу ҳақда мамлакат ички ишлар вазири Небойша Стефанович маълум қилган.

Маълум қилинишича, яна икки нафар шубҳа остидаги шахс озодликда қолмоқда. 2007 йилдан бошлаб, мамлакатда коррупция миқдори 7,6 млн. еврога етган.

Маълумот учун: бу жорий йилдаги иккинчи катта ҳибсга олиш тадбиридир. Мартда шу айблов билан 46 киши ҳибсга олинган эди.