Япониянинг Кюсю ороли тарихидаги энг кучли зилзила оқибатида 3 киши ҳалок бўлди. Бу ҳақда маҳаллий ОАВ хабар бермоқда.

200 га яқин одам жароҳат олган. Япония ҳукумати зилзила оқибатларини бартараф этиш учун барча кучларни ишга солишни буюрди. Зилзила маркази ҳудудида бинолар вайрон бўлган, ёнғинлар чиққан. Қутқарув ишларида 400 дан ортиқ ҳарбий иштирок этмоқда, деб хабар бермоқда "Интерфакс" ахборот агентлиги.

20 га яқин иморат вайрон бўлган. Ҳалок бўлганларнинг 2 нафари вайроналар тагида қолиб кетган, яна бир кишининг юраги тўхтаб қолган.

Бир қатор кучли зилзилалардан кейин яна 54 та қолдиқ ер силкинишлари бўлиб турган. Таъкидланишича, зилзилалар яна юз бериши мумкин.

Аввалроқ Япониянинг жануби-ғарбида 6,4 магнитудали зилзила юз бергани маълум қилинганди. Зилзила ўчоғи 10 км чуқурликда бўлган. Кюсю оролида "синкансэн" тезкор поездлари қатнови тўхтатилган. Kushu Electric Power оператор-компанияси зилзиладан кейин АЭС реакторлари ҳолатини текширишни бошлаган.