"Мир бокса" компанияси раҳбари Андрей Рябинский америкалик боксчи Деонтей Уайлдер (36 та жангдан 36 та ғалаба) россиялик боксчи Александр Поветкин билан (30 та ғалаба, битта мағлубият) WBC талқини бўйича ўта оғир вазн тоифасида жаҳон чемпиони унвони учун жанг ўтказишга шартномани имзолаганини маълум қилди.

"Уайлдер бугун шартномани имзолади. Шунинг учун энди жанг аниқ бўлади", деб ёзди Рябинский ўзининг твиттерида.

Поветкин ва Уайлдер ўртасидаги ушбу жанг 21 майда Москвадаги "Мегаспорт" аренасида бўлиб ўтади.