Англия Премьер-лигасининг 34-турида "Манчестер Юнайтед" ўз майдонида Маркус Рашфорднинг голи эвазига "Астон Вилла"ни мағлуб этди. Мусобақа жадвалининг сўнгги ўринини эгаллаётган Бирмингем клуби мавсум якунланишига 4 та ўйин қолганда АПЛда қолиш учун барча имкониятлардан маҳрум бўлди ва 1987 йилдан бери биринчи марта уни тарк этадиган бўлди.

АПЛда жон сақлашга курашаётган "Ньюкасл" ўз майдонида 3:0 ҳисобида "Суонси"ни мағлуб этди ва Рафаэль Бенитес мураббийлигида биринчи ғалабасига эришди. "Эвертон" ва "Саутгемптон" ўртасида ғолиб аниқланмади, жамоалар 1:1 ҳисобидаги дуранг натижани қайд қилишди. "Уотфорд" меҳмонда "Вест Бромвич"ни 0:1 ҳисобида ютди. "Сандерленд" меҳмонда "Норвич Сити"ни 0:3 ҳисобида мағлуб этди ҳамда 6 та ўйиндан бери давом этиб келаётган ғалабасиз сериясига чек қўйди.

Англия Премьер-лигаси. 34-тур
Манчестер Юнайтед – Астон Вилла – 1:0
Гол: Рашфорд, 32 (1:0).

Ньюкасл Юнайтед – Суонси Сити – 3:0
Голлар: Ласcеллс, 40 (1:0); Сиссоко, 82 (2:0); Таунсенд, 89 (3:0).

Эвертон – Саутгемптон – 1:1
Голлар: Мори, 68 (1:0); Мане, 76 (1:1).

Вест Бромвич Альбион (Вест Бромвич) – Уотфорд (Уотфорд) – 0:1
Гол: Уотсон, 27 (0:1).
Урилмаган пенальтилар: Бераино, 67; Бераино, 87 (Вест Бромвич)

Норвич Сити – Сандерленд – 0:3
Голлар: Борини, 41 (0:1, пен); Дефо, 53 (0:2); Уотмор, 90+1 (0:3).