Берлин мафияси Германияга келган қочқинларни ўз сафига ёлламоқда

Жаҳон 16 Апрель 2016 484

Die Welt немис газетасида чоп этилган ҳисоботга кўра, Германияда барча миграция инқирозини муҳокама қилаётган бир пайтда жиноий гуруҳлар бу инқироздан фойдаланган ҳолда, ўз сафларига қочқинларни жалб қилмоқда. Германия полициячилар касаба уюшмаси раҳбари Бодо Пфальцграф RT телеканалига берган интервьюсида жиноятчилар ёлғиз ва жисмонан бақувват ёшларни фаоллик билан ўз сафларига ёллашаётганларини айтди.

Пфальцграфнинг айтишича, охирги вақтларда янги қочқинлар лагери очилиши биланоқ, у ерга бир неча кундан кейин қора лимузинларда одамлар келиб, ёшларни ёллаётгани ҳақида хабарлар тушмоқда.

Жиноий тўдалар бундай қочқинлардан асосан "ифлос" ишларни амалга оширишда, яъни ўғирлик, гиёҳванд моддалар сотиш, рақибларни дўппослашда фойдаланадилар. Таъкидланишича, полиция ва прокуратурадагилар бу ҳолатдан хабардорлар, бироқ бунга қарши қандайдир ҳуқуқий чоралар кўра олмаяптилар.

"Ёлғиз ёшлар айниқса жиноятчилар олдида заифлар. Қизлар ўз иродаларига қарши борделларга тушишлари мумкин. Энг катта хавф остида маҳаллий аҳоли орасида тарқалиб кетган ёшлар қолмоқда – уларнинг жойлашган ўрни ҳақида ишончли маълумотлар йўқ. Берлиннинг ўзида биз улар ҳақида ҳеч нарса билмайдиган 20 мингга яқин қочқин бор", деб айтди Пфальцграф.

Пфальцграфнинг айтишича, жиноий кланларнинг структураси оилавий ришталарга асосланган бўлиб, уларни итальян мафиясига қиёслаш мумкин. Уларга қарши жиноий иш қўзғатиш анча мушкул, чунки улар гувоҳларни қўрқитадилар.

Баъзи маълумотларга кўра, Берлинда кенг мафиоз тармоғи қулоч ёзган бўлиб, унга араб ва Осиё давлатларидан келганлар киради. Бироқ ҳукумат фикрича, Берлин жиноий оламининг каттагина қисми бир неча ливан кланлари томонидан назорат қилинади.

Шунга қарамай, Германия жиноий полиция федерал бошқармасида таъкидланишича, туб немислар муҳожирлардан кўра камроқ жиноят амалга оширмайдилар.

"Вужудга келган ҳолат қочқинлар Германия аҳолисининг бошқа гуруҳларидан кўпроқ жиноят содир этишга мойилроқ эмаслигини кўрсатади. Кўпчилик қочқинлар қонунни бузишни исташмайди, улар бизнинг давлатга ҳимоя ва тинчлик умидида келишган", деб айтмоқда Германия ички ишлар вазири Томас де Мезьер.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5825 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6747 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21798 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50389 Жамият
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 82 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 303 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 191 Жаҳон
АҚШда қуёш тутилишини томоша қилаётганларни автомобиль босиб кетди
08:06 1092 Жамият
Кобулнинг дипломатик туманида ракета портлади
07:55 347 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 260 Жаҳон
Кўпроқ янгиликлар