17 апрелда Доҳадаги учрашув иштирокчилари имзолашлари керак бўлган келишув лойиҳаси нефть қазиб олиш ҳажмини 2016 йил январдаги ҳажмда октябргача музлатишни кўзда тутади.

Бу ҳақда Озарбайжон нефть вазири Натиг Алиев маълум қилди.

"Келишув хомаки варианти катта эмас. У қуйидагича янграйди: Доҳада учрашган давлатлар нефть нархини тартибга келтириш учун нефть қазиб олиш ҳажмини октябргача 2016 йил январдаги даражада ушлаб туришга рози бўлишга қарор қилдилар", деб айтди Алиев.

Аввалроқ ОПЕК давлатлари ва бу ташкилотга кирмайдиган нефть ишлаб чиқарувчиларнинг учрашуви Доҳада 17 апрелда ўтиши маълум қилинганди. Учрашувда нефть нархини барқарорлаштириш масаласи муҳокама қилинади.