IRNA ахборот агентлигининг хабарларига қараганда, Эрон марказий минтақаларида юз берган табиий офат оқибатида 4 киши ҳаётдан кўз юмган. Бу ҳақда, Эрон фавқулодда вазиятлар ташкилоти раҳбари Амин Сабериниа маълум қилган.

Унинг айтишича, мамлакатда юз берган сув тошқинларида яна икки киши бедарак йўқолган.

Эрон қизил яримой жамияти, мамлакатнинг табиий офатдан зарар кўрган 126 шаҳридаги жабрдийдаларга ёрдам беришга тайёрлигини билдирган.

Синоптиклар эса, сурункали ёмғирлар туфайли Эрон жанубидаги Карун дарёсининг сатҳи янада кўтарилишидан хавотир билдирмоқда.

Айни пайтда офат юз берган ҳудудларда қутқарув ишлари олиб борилмоқда.