Ҳиндистон шимолидаги Уттаркханд штатида автобус чуқур дарага ағанаб кетган ва бунинг натижасида камида 4 киши ҳаётдан кўз юмган, 25дан ортиқ киши оғир жароҳат олган. Бу ҳақида ТАСС нашри хабар берди.

Ҳуқуқни ҳимоя қилиш органларининг маълумотларига кўра,16 апрель маҳаллий вақт билан тахминан соат 13:30да автобус номаълум сабабларга кўра катта йўлдан чиқиб кетган ва Нью-Делидан 311 км масофадаги Паури ҳудудида 100 метрдан ортиқ чуқур дарага ағанаб кетган.

3 киши ўша жойнинг ўзидаёқ ҳалок бўлган, яна бир йўловчи шифохонага олиб кетилаётган пайтда ҳаётдан кўз юмган. 25 киши кўплаб жароҳатлар билан энг яқин шифохонага етказилган, қолганларга жойида тиббий ёрдам кўрсатилган.

Дастлабки маълумотларга кўра, автобусда 40дан ортиқ йўловчи бўлган. Тергов ишлари давом этмоқда.