Москва АҚШни Япония бош вазирига босим ўтказаётганликда айблади

Жаҳон 16 Апрель 2016 413

Россия ТИВ расмий вакиласи Мария Захарова Россия ва Япония муносабатларидаги мураккабликларга изоҳ бериб, уларни АҚШ томонидан Токиога кўрсатилаётган босим натижаси дея баҳолади. У, RT телеканалига берган интервьюсида шу ҳақда фикр юритган.

«Жиддий тавсия бўлгани аниқ. Шу сабабли, бизнинг алоқаларимиз йўналиши иккитомонга ўзгариб кетди», — деб баёнот берган Захарова. АҚШ президенти Барак Обама, Япония бош вазири Синдзо Абэдан Россияга ташрифини ортга суриб туришни сўраганига оид хабарларни Россия ТИВ вакиласи шундай изоҳлаган.

Захарованинг сўзларига кўра, ўша пайтда Япония ҳукуматига жиддий оҳангда Россияга бормаслик тавсия қилинган бўлса, «яқинда Вашингтон расмий вакили, Москва билан бир маротаба мулоқотда бўлиш унчалик ҳам қўрқинчли эмас»лигини билдирган.

Захарованинг ёдга олишича, Япония айни вақтда БМТ Хавфсизлик кенгашининг аъзоси бўлсада, доимий аъзоси бўлиш истагида.

«Савол туғилади: икки томонлама ташрифларга оид келишувларни мустақил ҳал қила олмаган давлат қандай қилиб Хавфсизлик кенгашининг доимий аъзоси бўлиши мумкин?», — деб хулоса қилган Россия ташқи ишлар вазирлиги расмий вакиласи.

ТАСС агентлиги маълумотларига кўра, РФ ташқи ишлар вазири Сергей Лавров, Япония бош вазири Синдзо Абэ яқин орада Россияга ташриф буюриши ҳақида 12 апрель куни маълум қилган. Бундан анча аввал, 24 февралда, The Japan Times газетаси, 9 февраль куни Обама телефон орқали мулоқотида Абэдан Москвага бормай туришни сўрагани ҳақида ёзган эди.

Путин ва Абэ сўнгги маротаба, 2015 йил сентябрида БМТ Бош Ассамблеяси доирасида учрашган эди. Мулоқот натижаларига кўра, сиёсатчилар, икки давлат ўртасида тинчлик сулҳини имзолаш бўйича музокараларни қайта бошлаш ниятини билдиришганди.

Москва ва Токио 1956 йили урушни тўхтатиш декларациясини имзолаган, аммо у тинчлик сулҳи имзолангандан кейин кучга кириши белгилаб қўйилган.

Тинчлик меморандуми имзоланишига Курил ороллари бўйича ҳанузгача ҳал этилмаган тортишув тўсқинлик қилмоқда. Япония Курил архипелагининг 4 та оролига 1855 йилда икки давлат ўртасида имзоланган келишув асосида даъвогарлик қилмоқда. Россия эса, бу ҳудудлар иккинчи жаҳон уруши натижасига кўра, СССР таркибига кирганини таъкидлаб келади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31869 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17729 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 68904 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58290 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 3621 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9521 Жаҳон
Кўпроқ янгиликлар