Украина президенти Пётр Порошенко Украина ҳарбий-денгиз кучлари қўмондони лавозимидан вице-адмирал Сергей Гайдукни бўшатди. Бу ҳақда УНИАН ахборот агентлиги хабар бермоқда.

Бу ҳақда Порошенконинг 15 апрелдаги 161-фармонида айтилган.

"Вице-адмирал Гайдук Сергей Анатольевич эгаллаб турган Украина ҳарбий-денгиз кучлари қўмондони лавозимидан бўшатилсин", дейилган фармонда.

Аввалроқ Порошенко Украина бош прокурори Виктор Шокинни ҳам лавозимидан бўшатганди.